Tangotalk

[Verse 1: Agil] Masih dari hati, beta biking lagu Lagu lama jadi, kini warna baru Panas matahari tikang sabadang basuar Cari deng mancari, ose masih nomor dua Dari hip-hop tampa beta jumpa sua, tampa kas curah Tamang par beta carita sagala tentang katorang dua Tentang katong yang su lama hati baku tarika Taika janji sampai mati, jang baku kas tinggal Jaga baku kas inga kalau yang satu lupa Jang simpang lender panyaki lapas pi buang ludah Lapas hari deng bulan, sakarang itung taong Itu katong pung hubungan, bukang saumur jagong Barat angka deng karong, masalah tar sadiki Biar tidor manggarong, os jarang datang di mimpi Banya yang goda sampai dong suap par beta kunya Os tetap nomor dua dar hip-hop yang beta punya [Chorus: Ruis] Oh nomor dua, beta pung yang nomor dua Pertama hip-hop beta punya, abis itu nona yang kedua Oh nomor dua, beta pung yang nomor dua Pertama hip-hop beta punya, abis itu nona yang kedua [Verse 2: Muria] Nona polo beta krep Tapi tunggu setelah rap baru jalan putar kota (Ae) Suara papa-mama, jang sampai orang carita Tar bae par katong dua (Uh) Saban hari tulis lagu Biar bisa hidup, bayar dong mulu balagu (Ceh) Buang rasa ragu Parcaya nanti dapat apa yang mau dituju Ni beta biking par se Nona, dengar ni bukang onosel Jang susah hati ale Bukang mo ondos, still kaka yang stel Kabiasaan busu-busu itu Taro di balakang masa bawa sampai oras jam Biking susah diri, lah cemburu tagal bet Hari-hari di studio, biking barang ni lakas jadi [Chorus: Ruis] Oh nomor dua, beta pung yang nomor dua Pertama hip-hop beta punya, abis itu nona yang kedua Oh nomor dua, beta pung yang nomor dua Pertama hip-hop beta punya, abis itu nona yang kedua [Verse 3: Agil] Di dunia bukang katong dua cuma-cuma Ada sahabat, kerabat, keluarga dong di rumah Balom tambah gandong, balom tambah pela Beta tambah rap, ose musti iko bela Memang masih banya yang datang lalu pigi Sanang baparipi, ganti marah mau manggigi Tamang bawa diri, jadi lawang par sandiri Tagal di muka buka gigi, di belakang dorang baku cigi Beta punya itu tetap beta pung Biar nomor dua os bukang tukang tampung Sabarang dong carita, kas jatuh os pung harga diri Tagal dong mangiri Seng bisa lambung kanan, dorang paksa lambung kiri Jatuh di tikungan beta su alami Cubahang tar sadiki, ini wajib se pahami Biar gunung deng tanjong su pele katong pung dunia Os tetap nomor dua dar hip-hop yang beta punya [Chorus: Ruis] Oh nomor dua, beta pung yang nomor dua Pertama hip-hop beta punya, abis itu nona yang kedua Oh nomor dua, beta pung yang nomor dua Pertama hip-hop beta punya, abis itu nona yang kedua saja [Outro: Ruis] Biar nomor dua pasti beta cinta Katong pung carita jadi cita-cita Par beta bisa nanti maso minta Nona punya rumah izin papa mama Ganti se belakang nama deng beta pung marga. Dua lyrics – Agil : Get lyrics and music video of this song here on LyricsBull.com